Նոր պատվոգրեր

   Մարտունու  N2 հիմնական դպրոցի 3-րդ Գ  դասարանի աշակերտներ Արեն Ավետիսյանը, Արթուր Հարությունյանը և Ավետիք Սեթյանը <<Կենգուրու>>  մաթեմատիկական ամենամյա մրցույթում ցուցաբերել են լավագույն  արդյունքները և արժանացել պատվոգրերի, իսկ ահա 8-րդ դասարանի աշակերտ Գոռ  Ֆարմանյանը  պատվոգրի արժանացավ «Մեղու. հայերենը բոլորի համար»  մրցույթում՝ ցուցաբերած բարձր գիտելիքների շնորհիվ: Շնորհավորում ենք աշակերտներին,  ինչպես նաև դասավանդող ուսուցիչներ Հասմիկ Ասպատուրյանին և  Լենա  Սարգսյանին :

 

Aschenputtel — Մոխրոտիկ

  Ուսուցչուհի Հերմինե Մուրադյանի կազմակերպած գերմաներենի  խմբակի միջոցառումը նվիրված էր գերմանացի գրող Հ. Հայնեին: Խմբակի անդամ աշակերտները ներկայացրեցին  Aschenputtel ( Մոխրոտիկ)  հեքիաթը` բնագրով: Միջոցառումը  շատ գունեղ էր և տարբերվող:

Գովասանագիր

 9-րդ Բ դասարանի աշակերտուհի  Էմիլիա  Ժամհարյանը  հանրապետական օլիմպիադայում պատմություն առարկայից արժանացել է գովասանագրի: Շնորհավորում ենք նրան և  պատմություն  առարկան դասավանդող ուսուցիչ  Սվետլանա Դեմիրճյանին:

Հմուտ ձեռքեր

  Տեխնոլոգիա առարկայից  7-րդ Ա և 7-րդ Բ դասարանների միջև մրցույթ- միջոցառումը կազմակերպել էր ուսուցչուհի Ռ. Շահումյանը, որի ընթացքում աշակերտները ցուցադրեցին իրենց հմտությունները սեղանի սպասքադրման, տորթերի և մրգերի ձևավորման ասպարեզում: Մրցույթը  շատ գունեղ էր և ուսուցողական:

ՀԱՎԱՍՏԱԳԻՐ

   Մարտունու N2 հիմնական դպրոցը պարգևատրվել է հավաստագրով և գավաթով  ՀՀ մարզերի, Երևան քաղաքի և Արցախի Հանրապետության  դպրոցների 4-7-րդ դասարանների միջև <<Սպորտլանդիա>> մարզական միջոցառման  2-րդ փուլում 1-ին տեղը գրավելու համար:

ՄՇՈ ՀԱՎՔԵՐ

Երգիչ հայրիկ, քո վերքը բաց,

Սիրտդ կսկիծ, աչքերդ թաց,

Մշո դաշտն էլ երազ մնաց,

Ախ հերկեի, նոր մեռնեի..

 Մարտի 21-ին դպրոցում մեծ շուքով նշվեց մեծ բանաստեղծ-երգահան Հայրիկ Ղազարյանի 95 ամյակը; Երգ ու պարի և ասմունքի խմբակի աշակերտները մանրամասն ներկայացրեցին նրա <<Մշո հավքեր>> ժողովածուն: Ցերեկույթն անցավ ջերմ մթնոլորտում, ներկա էին նաև Հայրիկ Ղազարյանի ընտանիքի անդամները: